ابوجا (انٹرنیشنل ڈیسک) نائیجیریا میں 22 منزلہ زیرتعمیرعمارت گرنے سے اموات کی تعداد 7 ہوگئی ہے۔ ذرائع ابلاغ کے مطابق واقعہ کے وقت عمارت میں تقریباً 100مزدور موجود تھے۔عمارت کے ملبے تلے دبے افراد کی تلاش کے لیے امدادی کارروائیاںجاری ہیں۔ واقعہ ایک متمول علاقے میں پیش آیا،جہاں 22منزلہ عمارت منہدم ہو گئی ۔ حکام کا کہنا ہے کہ حادثے کی وجہ ابھی تک معلوم نہیں ہو سکی۔ادھر مشتعل رہایشیوں نے امدادی اقدامات کی سست رفتاری کو تنقید کا نشانہ بنایا ہے۔
