اسلام آباد: قومی اسمبلی میں اپوزیشن لیڈر شہباز شریف کا کہنا ہے کہ اب ثابت ہوگیا ہے کہ حکومت عوام کو ریلیف کے بجائے تکلیف دے سکتی ہے۔
پیٹرولم مصنوعات کی قیمتوں میں ہوشربا اضافے پر ردِ عمل دیتے ہوئے مسلم لیگ (ن) کے صدر شہباز شریف نے کہا کہ حکومت نے عوام کو مہنگائی کا پیکج دیا اور قوم پوچھ رہی ہے یہ اچھے دن لائے ہیں؟ حکومت نے نالائقی، نااہلی اور کرپشن کی ہر حد پار کردی ہے۔
شہباز شریف نے کہا کہ حکومت ابھی پیٹرولیم لیوی بڑھا کر مہنگائی میں مزید اضافہ کرنے والی ہے، پیٹرول اور ڈیزل کی قیمت میں اضافہ مہنگائی میں اضافہ کرے گا۔
انہوں نے مزید کہا کہ حکومت آئی ایم ایف سے بجلی کی قیمتیں بڑھانے کی شرط کے سامنے ڈھیر ہوچکی ہے، اس طرح ملک نہیں چل سکتا۔
