نئی دہلی (انٹرنیشنل ڈیسک) بھارت میں 5 سالوں کے دوران 98 ہزار 450 کسانوں، تاجروں اور شہریوں نے اپنی زندگیوں کا خاتمہ کیا۔ یہ اعداد و شمار بھارتی اپوزیشن جماعت کانگریس کے رہنما راہول گاندھی نے ٹوئٹر پر پیش کیے۔ راہول گاندھی نے کہا کہ بھارتیوں نے خود کشی کے ذریعے موت کو گلے لگانے کا فیصلہ مودی حکومت کی بدترین معاشی پالیسیوں کی وجہ سے کیا۔ کسان، کاروباری افراد، عام شہری حکومت کی ناقص اور خراب پالیسیوں کی وجہ سے دلبرداشتہ ہیں۔
