ملتان (صباح نیوز) وزیر خارجہ شاہ محمود قریشی نے کہا ہے کہ حکومت کا تمام مشکلات کے باوجود ترقی کا بھرپور سفر جاری ہے۔ ایک میڈیا رپورٹ کے مطابق شاہ محمود قریشی کی صدارت میں ڈسٹرکٹ کوآرڈی نیشن کمیٹی کا اجلاس ہوا، جس میں ترقیاتی منصوبوں پر پیش رفت کا تفصیلی جائزہ لیا گیا۔ وزیر خارجہ کا کہنا تھا کہ حکومت کا تمام مشکلات کے باوجود ترقی کا بھرپور سفر جاری ہے‘ عوام کی سہولت کے لیے انفرااسٹرکچر کے منصوبوں کو ترجیح بنایا گیا ہے‘ جنوبی پنجاب سیکرٹریٹ کے ثمرات ملنے کا آغاز ہوچکا ہے‘ ٹریفک مسائل کے حل کے لیے ٹیکنیکل اداروں سے سروے کرایا جائے گا‘ قومی
تعمیر نو کے محکمے مقررہ وقت میں منصوبے مکمل کریں گے۔
