پاکستان میں تحصیل خار کے علاقے راغگان ڈیم میں سیکورٹی پر مامور پولیس اہلکاروں پر ریموٹ کنٹرول بم دھماکے میں دو پولیس اہلکار شہید ہوگئے۔
اطلاع کے مطابق باجوڑ کی تحصیل خار کے علاقے راغگان ڈیم میں سیکورٹی پر مامور پولیس اہلکاروں پر ریموٹ کنٹرول بم سے حملہ کیا گیا جس دوران دو پولیس اہلکار جام شہادت نوش کر گئے، دھماکے کی شدت اور آواز سے ارد گرد کے لوگوں میں خوف و ہراس پھیل گیا۔
دھماکے کے بعد پولیس اور فورسز کی ٹیمیں جائے وقوعہ پر پہنچ گئیں اور پورے علاقے کو گھیرے میں لیتے ہوئے تحقیقات شروع کرد گئی ہیں۔
