برطانوی فیصلہ فلسطینی قوم کے خلاف جارحیت کا تسلسل ہے‘ حماس

غزہ (انٹرنیشنل ڈیسک) فلسطین میں اسلامی تحریک مزاحمت حماس نے برطانیہ کی جانب سے دہشت گرد تنظیم قرار دینے کے فیصلے پر کڑی تنقید کی۔ حماس نے متنازع فیصلے کو فلسطینی قوم اور ان کے مسلمہ حقوق کے خلاف جارحیت کا تسلسل قرار دیا۔ بیان میں کہا گیا کہ بدقسمتی سے برطانیہ اپنے پرانے جرم پر قائم ہے۔ فلسطینی عوام کے خلاف اپنے تاریخی گناہ پر معافی مانگنے اور درست کرنے کے بجائے وہ اب ڈھٹائی سے صہیونی حکومت کی پیٹھ تھپک رہا ہے۔