لندن؍ پیرس (انٹرنیشنل ڈیسک) فرانس اور برطانیہ کے درمیان رودبارِ انگلستان کے سمندری علاقے میں تارکین وطن کی کشتی ڈوبنے کے بعد دونوں ممالک کے ساحلی محافظوںنے گشت بڑھادیا۔ فرانسیسی وزیرداخلہ گیرالڈ ڈامانی کا کہنا ہے کہ حادثے کے بعد ایک مبینہ انسانی اسمگلر کو حراست میں لیا گیا ہے۔ حکام ہلاک ہونے والے افراد کی شناخت کرنے میں مصروف ہیں اور ایک شخص کے عراقی اور ایک کے صومالی ہونے کی تصدیق ہوگئی ہے۔واضح رہے کہ برطانیہ میں غیر قانونی طریقے سے داخل ہونے کی کوشش میں فرانس کے شہرکیلے کے قریب سمندر میں 27 تارکین وطن ہلاک ہوگئے تھے۔ صدر ماکروں کا کہنا تھا کہ وہ رودبارِ انگلستان کو قبرستان نہیں بننے دیں گے۔
Load/Hide Comments
