سوشل میڈیا نیٹ ورک ‘ٹویٹر’ نے شخصی ویڈیو اور تصویری مواد کی بلا اجازت اشاعت کو ممنوع قرار دے دیا ہے۔
جاری کئے گئے بیان کے مطابق ٹویٹر نے اپنی "نجی معلومات پالیسی” کو شخصی ویڈیو اور تصویری مواد کا احاطہ کرنے کی شکل میں وسیع کر دیا ہے۔
پالیسی کی رُو سے کسی صارف کے نجی مواد کو بلا اجازت شئیر نہیں کیا جا سکے گا۔
بیان میں کہا گیا ہے کہ شئیر کئے گئے مواد کا جائزہ لیا جائے گا اور مین اسٹریم میڈیا میں شائع ہونے یا نہ ہونے کی صورتحال کو مدّ نظر رکھتے ہوئے بعض ویڈیو یا تصاویر کو سائٹ پر رکھنے کا فیصلہ کیا جائے گا۔
