اسلام آباد: حکومت کی جانب سے بنائی ووٹنگ مشین کے خلاف شہری عدالت پہنچ گیا۔
درخواست گزار نے ووٹنگ مشین کو اسلام آباد ہائی کورٹ میں چیلنج کیا۔ چیف جسٹس اسلام آباد ہائی کورٹ اطہر من اللہ نے استفسار کیا کہ ای وی ایم قانون سازی کی کن شقوں پر اعتراض ہے؟
درخواست نے جواب میں کہا کہ ای وی ایم دھاندلی کی منصوبہ بندی ہے، کالعدم قراردی جائے۔ عدالت نے کہا کہ کون سی شقیں آئین سے متصادم ہیں؟ نامکمل درخواست دائر نہیں کرتے ورنہ جرمانہ ہو جاتا ہے۔
درخواست گزار نے درخواست کی درستگی کے لیے عدالت سے مہلت مانگ لی جسے عدالت نے منظور کرلیا۔
