پاکستان اور ویسٹ انڈیز کے مابین تیسرا اور آخری ٹی ٹوئنٹی آج کھیلا جائیگا

کراچی(اسٹاف رپورٹر)پاکستان اور ویسٹ انڈیز کے مابین تیسرا اور آخری ٹی ٹوئنٹی آج کھیلا جائیگا ۔3 میچوں کی سیریز میں پاکستان کو 2-0کی فیصلہ کن برتری حاصل ہے،آخری میچ میں قومی ٹیم میں تبدیلیوں کا امکان ہے۔میچ شام6بجے شروع ہو گاکپتان بابر اعظم نے کہا ہے کہ تیسرے ٹی 20 میچ میں مختلف کمبی نیشن آزمائیں گے۔بابر اعظم نے کہا کہ دوسرے میچ میں شاداب خان کی پرفارمنس اچھی رہی۔دریں اثناء گزشتہ روز پاکستان کی ٹیم نے ٹریننگ سیشن ہوا امام لحق ،عبداللہ شفیق، سعود شکیل، عثمان قادر، خوش دل شاہ ٹریننگ کا حصہ تھے، جنہوںنے کوچز کی نگرانی میں ٹریننگ سیشن میں حصہ لیا۔