وفاقی پولیس کی حراست سے منشیات کے مقدمے میں گرفتار ملزم کے فرار ہونے کا انکشاف ہوا ہے۔ذرائع کے مطابق گرفتار ملزم ایف ایٹ کچہری بخشی خانہ سے فرار ہوا۔ جمعہ کو صبح اڈیالہ جیل سے ایف ایٹ کچہری ملزمان کو مجاز عدالت میں پیشی کے لئے لایا گیا۔ذرائع کا کہنا ہے کہ فرار ہونیوالے ملزم کیخلاف تھانہ مارگلہ میں منشیات فروشی کا مقدمہ درج ہے۔دوسری جانب ترجمان پولیس کا کہنا ہے کہ ذمہ دار پولیس اہلکاروں کے خلاف مقدمہ درج کرکے گرفتار کرلیا گیا ہے جب کہ فرار ہونے والے ملزم کو جلد گرفتار کرلیا جائے گا۔
