میرپورخاص(بیورو رپورٹ)سندھ ہاکی ایسو سی ایشن کے زیر اہتمام انٹر ڈسٹرکٹ انڈر21 ہاکی چمپئن شپ کے سلسلے میں میرپورخاص سینٹر پر بھی چمپئن شپ کاآغاز ہوگیا،افتتاحی میچ میں میرپور خاص کی ٹیم نے سانگھڑ کی ٹیم کو شکست دی ، شہید ذوالفقار علی بھٹو اسپورٹس کمپلیکس ہاکی اسٹیڈیم میں کھیلے گئے افتتاحی میچ میں میرپورخاص کی ٹیم نے سانگھڑ کی ٹیم کو صفر گول کے مقابلے میں 8 گول سے شکست دی فاتح ٹیم کے یاسر نے گول ہیٹ ٹرک کی اور کپتان عدنان بلوچ نے 2 دو گول اسکور کیے قبل ازیں ٹورنامنٹ کا افتتاح مہمان خصوصی ڈی ایس پی سٹی میرپورخاص عامر بھٹی نے گیند کو ہٹ لگا کر کیا جسکے بعد دونوں ٹیموں سے انکا تعارف کروایا گیا اس موقع پر خطاب کرتے ہوئے عامر بھٹی کا کہنا تھا کہ صحت مند معاشرے کیلئے وقتاً فوقتاً کھیلوں کا انعقاد ضروری ہے ۔
