کوالا لمپور(انٹرنیشنل ڈیسک) ملائیشیا میں سال کے بدترین سیلاب نے بڑے پیمانے پر تباہی مچادی ، جس کے نتیجے میں 27 افراد ہلاک اور 70 ہزار بے گھر ہوگئے۔ خبر رساں اداروں کے مطابق ملائیشیا کے جنوبی اور مغربی 6 ریاستوں میں مسلسل ہونے والی طوفانی بارش سے ڈیم ٹوٹنے اور طغیانی کے باعث سمندر کا پانی رہایشی علاقوں میں داخل ہوگیا ہے،جس ن اپنے راستے میں آنے والی ہر چیز کو تہس نہس کرکے رکھ دیا۔ ملائیشیا میں یہ سال کا بدترین سیلاب ثابت ہوا ہے ۔ شہری گھر بار چھوڑ کر اسکولوں کی چھتوں اور بلند عمارتوں پر پناہ لینے پر مجبور ہیں۔
