سری نگر (اے پی پی) غیر قانونی طور پر بھارت کے زیر قبضہ جموں و کشمیر میں بھارتی فوج کے ہاتھوں 4 نوجوانوں کی شہادت پر ضلع بانڈی پورہ کے علاقے حاجن اور ضلع کولگام کے علاقے اوکے میں لوگوں نے آزادی کے حق میں اور بھارت کے خلاف زبردست مظاہرے کیے ۔کشمیر میڈیا سروس کے مطابق بھارتی فوج نے گزشتہ24 گھنٹے میں سری نگر اور کولگام اضلاع میں محاصرے اور تلاشی کی 2 الگ الگ کارروائیوں کے دوران 2،2 نوجوانوں کو شہید کیا۔ ادھر ضلع کولگام کے علاقے اوکی میں شدید سردی، بارش اور برف باری کے باوجود لوگوں نے بھارت کے خلاف زبردست احتجاجی مظاہرے کیے۔ بھارتی پولیس اور پیراملٹری فورسز کے اہلکاروں نے مظاہرین کو منتشر کرنے کے لیے طاقت کا وحشیانہ استعمال کیا۔
