اسلام آباد (آن لائن) ترجمان پاک بحریہ نے کہا ہے کہ مشکل کی ہر گھڑی میں عوام کو مدد فراہم کریں گے، متاثرہ علاقوں میں خوراک، علاج و ادویات اور گرم کپڑے فراہم کررہے ہیں۔ تفصیلات کے مطابق پاک بحریہ کا حالیہ بارشوں اور سیلاب سے متاثرہ بلوچستان کے دور دراز ساحلی علاقوں میں ریلیف آپریشن جاری ہے۔ ترجمان کے مطابق پاک بحریہ کی
جانب سے متاثرہ علاقوں میں خوراک، پینے کا صاف پانی اور دیگر ضروریات زندگی کی فراہمی جاری ہے ۔ پاک بحریہ کی میڈیکل ٹیموں نے مختلف علاقوں میں میڈیکل کیمپ لگائے جہاں لوگوں کو علاج اور ادویات کی سہولتیں فراہم کی گئیں۔ پاک بحریہ کے جوانوں نے لوگوں کو محفوظ مقامات پر منتقل کرنے کے علاوہ مختلف علاقوں میں کھڑا پانی نکالنے میں بھی مقامی افراد کی مدد کی۔
