مقبوضہ بیت المقدس (انٹرنیشنل ڈیسک) اسرائیلی پولیس نے لد شہر میں واقع جامع مسجد کے امام 63 سالہ الشیخ یوسف الباز کو گرفتار کرکے ان سے تفتیش شروع کردی۔ ان پر جمعہ کے خطبوں میں عوام کو اسرائیل کے خلاف نفرت پر اکسانے کا الزام عائد کیا گیا ہے۔ ذرائع ابلاغ کے مطابق بزرگ فلسطینی عالم دین کو دوران حراست بدنام زمانہ عقوبت خانے میں بدترین تشدد کا نشانہ بنایا گیا ۔ الباز کالعدم اسلامی تحریک کے ایک اہم رہنما ہیں، جس کی سربراہی شیخ راید صلاح کر رہے ہیں۔ شیخ باز لد میں فلسطینیوں کے لیے پہلے بھی آواز بلند کرچکے ہیں۔
