کراچی: شہر قائد میں موبائل فون چھیننے کی بڑی واردات ہوئی ہے، جس میں ڈاکو 30 سے زائد افراد سے موبائل چھین کر رفو چکر ہوگئے ہیں۔
میڈیا رپورٹس کے مطابق واقعہ کراچی کے پوش علاقے کریم آباد میں پیش آیا، جہاں کئی افراد ہوٹل پر بیٹھے چائے پی رہے تھے کہ پانچ نقاب پوش ڈاکوؤں نے اسلحے کے زور پر تمام افراد کو گھیرلیا اور چائے پینے والوں سے موبائل فون چھین لیے ، ڈاکوؤں نے نقدی اور قیمتی سامان کا بھی صفایا کردیا۔
ملزمان نے اطمینان سے اپنی واردات پوری کی اور موٹر سائیکل پر باآسانی فرار ہوگئے، چھینے گئے موبائل فونز کی مالیت لاکھوں روپے بتائی جاتی ہے۔
