ایران کے جوہری پروگرام پر مذاکرات کی بحالی کی خاطر امریکہ نے کوششیں تیز کر دی ہیں۔
امور خارجہ کے ایک اعلیٰ اہلکار کے بقول، اس حوالے سے زیادہ تاخیر نہیں کی جا سکتی کیونکہ ایران اپنے جوہری پروگرام کو وسعت دیتا جا رہا ہے۔
جرمنی، فرانس اور برطانیہ سن دو ہزار پندرہ میں طے پانے والے عالمی جوہری معاہدے کو بچانے کی کوشش میں ہیں اور اس مقصد کی خاطر وہ روس اور چین کے ساتھ مل کر امریکہ اور ایران کے مابین ثالث کا کردار بھی نبھا رہے ہیں۔
سابق امریکی صدر ڈونلڈ ٹرمپ نے سن دو ہزار اٹھارہ میں اس معاہدے سے یک طرفہ طور پر علحیدگی اختیار کر لی تھی۔
