اسلام آباد(آئی این پی)قومی احتساب بیورو ( نیب ) نے صاف پانی کیس میں احتساب عدالت لاہور کی طرف سے راجا قمر الاسلام اور دیگر ملزمان کی بریت کے فیصلے کے خلاف لاہور ہائی کورٹ میں اپیل دائر کرنے کا فیصلہ کرلیا ۔ ترجمان نیب کی طرف سے جاری کیے گئے بیان میں کہا گیا ہے کہ نیب احتساب عدالت لاہور کی جانب سے صاف پانی کیس میں راجا قمر الاسلام اور دیگر ملزمان کی بریت کے فیصلے کو چیلنج کرے گا،اس کے لیے لاہور ہائی کورٹ میں اپیل دائر کی جائے گی۔واضح رہے کہ گزشتہ روز لاہور کی احتساب عدالت نے صاف پانی کمپنی ریفرنس کا تحریری فیصلہ جاری کیا ۔
