دبئی(جسارت نیوز)آئی سی سی نے مینز ٹی ٹونٹی ٹیم رینکنگ جاری کردی، جس میں پاکستان کا تیسرا نمبر برقرار ہے۔ رینکنگ میں بھارت پہلے نمبر پر آگیا ہے۔بھارت انگلینڈ سے ریٹنگ پوائنٹس کے معمولی فرق سے پہلے نمبر پر پہنچا ہے جبکہ بھارت اور انگلینڈ کے 269،269 پوائنٹس ہیں۔اس فہرست میں پاکستان ٹیم کا 266 پوائنٹس کے ساتھ تیسرا نمبر برقرار ہے جبکہ نیوزی لینڈ کا 255 پوائنٹس کے ساتھ چوتھا اور جنوبی افریقا کا 253 پوائنٹس کے ساتھ پانچواں نمبر ہے۔
