امارات (انٹرنیشنل ڈیسک) متحدہ عرب امارات نے ڈرون طیاروں سمیت تمام فضائی کھیلوں پر پابندی میں توسیع کردی۔ اماراتی وزارت داخلہ کے اعلامیے کے مطابق فضائی کھیلوں اور ڈرون پرپابندی غیرمعینہ مدت تک رہے گی ،جب کہ خصوصی منصوبوں پرکام کے لیے ڈرون کے استعمال پرپیشگی اجازت لازمی قرار دی گئی ہے۔وزارت داخلہ کا کہنا ہے کہ خلاف ورزی پرکم از کم 6 ماہ اور زیادہ سے زیادہ 5 سال کی سزا ہوگی۔ یاد رہے کہ اماراتی دارالحکومت پر 17 جنوری کوحوثی باغیوں نے ڈرون سے حملے کیے تھے ۔
