شام کے دارالحکومت دمشق میں ایک خریداری مرکز میں آگ لگنے کے نتیجے میں 11 افراد ہلاک ہو گئے ہیں۔
اسد انتظامیہ کی خبر رساں ایجنسی SANA کے مطابق دمشق کی شاہراہ حمرا پر واقع خریداری مرکز میں صبح کے وقت نامعلوم وجوہات کی بنا پر آگ لگ گئی۔
اسد انتظامیہ کی وزارت داخلہ کے جاری کردہ تحریری بیان کے مطابق واقعے میں 11 افراد ہلاک ہو گئے ہیں، زخمی حالت میں بچائے گئے 2 افراد کو ہسپتال منتقل کر دیا گیا ہے۔
بیان کے مطابق آگ کی وجہ سے خریداری مرکز کو مادی نقصان پہنچا ہے اور آگ لگنے کی وجوہات کی تحقیق کی جا رہی ہے”۔
