ریاض (انٹرنیشنل ڈیسک) مصری صدر عبدالفتاح السیسی سعودی عرب کے سرکاری دورے پر ریاض پہنچ گئے۔ ہوائی اڈے پر ولی عہد شہزادہ محمد بن سلمان نے ان کا پرتپاک استقبال کیا۔ مصری صدارت کے ترجمان نے ایک بیان میں کہا ہے کہ اپنے دورے کے دوران سیسی سعودی عرب کے شاہ سلمان سے ملاقات کریں گے اور ان سے تعلقات، اہم علاقائی اور بین الاقوامی امور پر تبادلہ خیال کریں گے۔واضح رہے کہ صدرسیسی کے وفد میں وزیرخارجہ سامح شکری اورجنرل انٹیلی جنس سروسز کے سربراہ عباس کامل بھی شامل ہیں۔
