ایم کیو ایم کے سابق سربراہ الطاف حسین کو دہشتگرد قرار دینے پر پی ٹی آئی رکن قومی اسمبلی عامر لیاقت حسین نے وزیراعظم کو کھری کھری سنا دیں۔
گزشتہ روز وزیراعظم نے تقریر کرتے ہوئے کہا کہ لندن میں پاکستان کا سب سے بڑا دہشتگرد بیٹھا ہے جس نے ہزاروں پاکستانیوں کا قتل کیا، پاکستان ان سے کہتا ہے کہ اسے ہمارے حوالے کریں تو وہ کہتے ہیں کہ اس کے خلاف قانونی کاروائی کریں، کیا یہ برداشت کریں گے کہ ہم اس کو مارنے کے لیے ان کے ملک میں ڈرون اٹیک کریں؟
عامر لیاقت نے وزیراعظم کی تقریر اپنے ٹوئٹر پر شئیر کی اور کہا کہ ‘خان صاحب واللہ مجھے نہیں معلوم تھا کہ وہ “ہمارا دہشت گرد ہے” اسی دہشت گرد کو لندن کی اسی عدالت نے بَری کیا ہے جس عدالت نے آپ کو ian botham کے خلاف فتح دلائی تھی، آپ چومکھی جنگ مت لڑیے focus on opposition please, you are still in a game and in comfort position
گھبرانا نہیں ہے!’
خان صاحب واللہ مجھے نہیں معلوم تھا کہ وہ “ہمارا دہشت گرد ہے” اسی دہشت گرد کو لندن کی اسی عدالت نے بَری کیا ہے جس عدالت نے آپ کو ian botham کے خلاف فتح دلائی تھی، آپ چومکھی جنگ مت لڑیے focus on opposition please, you are still in a game and in comfort position
گھبرانا نہیں ہے! pic.twitter.com/AVpP09FuAb— Aamir Liaquat Husain (@AamirLiaquat) March 13, 2022
اس ٹویٹ کے بعد عامر لیاقت نے کچھ اور ٹویٹس کیں اور پی ٹی آئی سے راہیں جدا کرنے کا عندیہ دے دیا۔
انہوں نے وزیراعظم عمران خان کو مخاطب کرتے ہوئے کہا ہے کہ آپ نے وفا کا جو صلہ دیا وہ یادرکھوں گا ، اب میں سوچ چکا ، اس کے بعد ہمارے راستے جدا ، پی ٹی آئی رکن قومی اسمبلی نے وزیراعظم کو نہ گھبرانے کا مشورہ بھی دے دیا ۔
سماجی رابطوں کی ویب سائٹ ٹوئٹر پر جاری کردہ اپنے بیان میں عامر لیاقت حسین نے کہا کہ وزیراعظم صاحب نے شاید ذلیل القدر مشیروں کی ایما پر مجھے بھی لسٹ میں ڈال دیاُاور سب سے بات کی مجھ سے ملنا بھی گوارا نہیں ، آپ شروع ہی سے مردم شناس نہیں اور ہمیشہ اختلاف رائے کو مخالفت سمجھا ، سب کو اسی طرح کھو رہے ہیں ، میں بھی “عین” سے ہوں اتنا ہی سوچ لیتے! لیکن اب میں سوچ چکا ۔
وزیراعظم صاحب نے شاید ذلیل القدر مشیروں کی ایما پر مجھے بھی لسٹ میں ڈال دیاُاور سب سے بات کی مجھ سے ملنا بھی گوارا نہیں، آپ شروع ہی سے مردم شناس نہیں ہمیشہ اختلاف رائے کو مخالفت سمجھا، اسی طرح کھو رہے ہیں سب کو میں بھی “عین” سے ہوں اتنا ہی سوچ لیتے! اب میں سوچ چکا@ImranKhanPTI
— Aamir Liaquat Husain (@AamirLiaquat) March 13, 2022
انہوں نے کہا کہ وزیراعظم صاحب جو کم بخت آپ کو چاہتے ہیں وہ آپ کے بدترین رویے کے باوجود ساتھ ہیں ، گھبرانا نہیں ہے ، یہ اعصاب کا کھیل ہے ،اللہ پاکستان کے لیے بہتر فرمائے گا ، اس کے بعد ہمارے راستے جدا ، آپ نے وفا کا جو صلہ دیا وہ یادرکھوں گا ، سلامت رہیے اور ہوسکے تو استغفار کی کثرت کیجیے۔
وزیراعظم صاحب جو کم بخت آپ کو چاہتے ہیں وہ آپ کے بدترین رویے کے باوجود ساتھ ہیں، گھبرانا نہیں ہے، اعصاب کا کھیل ہے ،اللہ پاکستان کے لیے بہتر فرمائے گا،اس کے بعدہمارے راستے جدا!! آپ نےُوفا کا جو صلہ دیا وہ یادرکھوں گا ، سلامت رہیےُاور ہوسکے تو استغفار کی کثرت کیجیے@ImranKhanPTI
— Aamir Liaquat Husain (@AamirLiaquat) March 13, 2022
قبل ازیں پاکستان تحریک انصاف کے رکن قومی اسمبلی عامر لیاقت حسین نے اپنی ہی پارٹی کے وفاقی وزیر اسد عمر پر اراکین کو دھمکیاں دینے کا الزام عائد کیا، انہوں نے کہا کہ اسد عمر کو متنبہ کرتا ہوں وہ اراکین کودھمکیاں دینے سے باز رہیں ، آئین اتنا وہ نہیں جانتے جتنا میں جانتا ہوں ، دونوں بھائی لڈو بٹورے کھڑے ہیں ایک نواز شریف کا وفادار دوسرا شاہ سے زیادہ شاہ کا وفادار ، ہمارے خاندان سے اپنے والدمحترم جنرل محمد عمر کےمثالی تعلقات کا خیال کریں ۔
اسد عمرُ @Asad_Umar کو متنبہ کرتا ہوں وہ اراکین کودھمکیاں دینے سے باز رہیں،دونوں بھائی لڈوبٹورے کھڑے ہیں ایک نواز شریف کا وفاداردوسرا شاہ سے زیادہ شاہ کا وفادار،ہمارے خاندان سے اپنے والدمحترم جنرل محمد عمر کےمثالی تعلقات کا خیال کریں، آئین اتناُوہ نہیں جانتے جتنا میں جانتا ہوں
— Aamir Liaquat Husain (@AamirLiaquat) March 10, 2022
