کراچی :سندھ آرچری ایسوسی ایشن کی جانب سے یوم پاکستان کے موقع پر دوسری انٹر کلب آرچری چیمپین شپ آج منعقد ہوگی ۔ اس سلسلے میں سندھ آرچری ایسوسی ایشن کے چیئر مین امتیاز شیخ کا کہنا تھا کہ یوم پاکستان کی مناسبت سے دوسری انٹر کلب آرچری چیمپئن شپ کا انعقاد نیا ناظم آباد فٹبال گراونڈ میں آج کیا جا رہا ہے،
کمشنر کراچی محمد اقبال میمن رنگا رنگ افتتاحی تقریب میں چیمپئن شپ کا افتتاح کریں گے ۔ ایونٹ میں کراچی کے تیر اندازوں کے ساتھ ساتھ پاکستان نیوی، فضائیہ اور آرمی کے تیر انداز بھی شرکت کر رہے ہیں ۔
ایونٹ کے شاندار اور کامیاب انعقاد کے لئے تیاریوں کو حتمی شکل دے دی گئی ہے ۔ ایونٹ کے انعقاد کے سلسلے میں سندھ آرچری ایسوسی ایشن نیا ناظم آباد کے سی ای او صمد حبیب ، سید محمد طلحہ اور محمد آصف کی بھی مشکور ہے جس کی ذاتی دل چسپی کی بدولت اس میگا ایونٹ کی تیاریاں ممکن ہو سکیں ،
انہوں نے بتایا کہ ایونٹ کی اختتامی تقریب شام 4بجے منعقد ہوگی جس میں اولمپئن ناصر علی مہمان خصوصی ہونگے ۔
