راولپنڈی: اے این ایف نے خفیہ اطلاع پر ایئرپورٹ ٹاون راولپنڈی میں کارروائی کی ہے جس کے نتیجے میں کوریئر کمپنی کے ذریعے برطانیہ بھیجے جانے والے پارسل سے ہیروئن برآمد ہوئی ہے۔
تفصیلات کے مطابق ترجمان اے این ایف کا کہنا ہے کہ 950 گرام ہیروئن 13 عدد لکڑی کے باسکٹس میں مہارت سے چھپائی گئی تھی۔
پارسل شیخوپورہ کے رہائشی وقار یونس کی جانب سے بک کروایا گیا تھا۔ترجمان اے این ایف کا کہنا تھا کہ پارسل برطانیہ میں مقیم شبیر حسین نامی شخص کو موصول ہونا تھا۔
منشیات قبضے میں لے کر مزید تحقیقات کا آغاز کر دیا گیا ہے۔
