جنوبی کوریا نے دعویٰ کیا کہ شمالی کوریا نے گزشتہ ہفتے جس میزائل کا تجربہ کیا تھا وہ "نئی قسم کا” بین البراعظمی بیلسٹک میزائل نہیں تھا۔
یونہاپ کی خبر کے مطابق جنوبی کوریا کی فوج کی جانب سے جاری کردہ بیان میں کہا گیا ہے کہ شمالی کوریا کی جانب سے 24 مارچ کو تجربہ کیا گیا میزائل آئی سی ایم بی کی کوئی نئی قسم نہیں ہے بلکہ 2017 میں کیے گئے میزائل کی طرح ہے۔
شمالی کوریا کے سرکاری ٹیلی ویژن کی جانب سے جاری کردہ ویڈیو کی جانچ پڑتال کی طرف اشارہ کرتے ہوئے کہا گیا کہ گزشتہ ہفتے تجربہ کیا گیا میزائل Hwasong-17 ICBM نہیں تھا، بلکہ Hwasong-15 ICBM کا تبدیل شدہ ورژن تھا۔
شمالی کوریا نے 24 مارچ کو اعلان کیا تھا کہ اس نے جس میزائل کا تجربہ کیا وہ ایک "نئی قسم” بین البراعظمی بیلسٹک میزائل تھا۔
بتایا گیا کہ یہ میزائل "پہلی بار لانچ کیا گیا” اور یہ تجربہ شمالی کوریا کے رہنما کم جونگ ان کی سرپرستی میں کیا گیا۔
جنوبی کوریا نے اطلاع دی ہے کہ شمالی کوریا کے میزائل نے 6,200 کلومیٹر سے زیادہ کی بلندی پر تقریباً 1,80 کلومیٹر تک پرواز کی۔
اقوام متحدہ (یو این) کے سیکرٹری جنرل انتونیو گوٹیرس نے کہا کہ بین البراعظمی بیلسٹک میزائل کا تجربہ اقوام متحدہ کی سلامتی کونسل کی قراردادوں کی "عوامی طور پر خلاف ورزی” ہے۔
