کراچی(اسٹاف رپورٹر)سینٹرل پنجاب ویک اینڈ اسکول چمپئن شپ کا فائنل آج قذافی اسٹیڈیم لاہور میں کھیلا جائے گا، جہاں دار ارقم اسکول لاہور اور فیصل آباد کے ڈویژنل پبلک اسکول کی ٹیمیں مدمقابل ہوں گی۔2 روزہ پنک بال فائنل براہ راست نشر کیا جائے گا۔ ڈے اینڈ نائٹ میچ کا پہلا سیشن شام 4 سے 6 بجے تک کھیلا جائے گا۔ دوسرا سیشن رات 7بج کر 10منٹ سے9بج کر 10منٹ اور تیسرا سیشن ساڑھے 9بجے سے ساڑھے 11بجے تک جاری رہے گا۔ٹورنامنٹ کی فاتح ٹیم کو 5 لاکھ رو پے انعامی رقم دی جائے گی۔
