پنجاب کی وزارتِ اعلیٰ کے لیے ق لیگ نے ایک بار پھر آصف زرداری سے رابطہ کیا ہے۔
ذرائع کے مطابق طارق بشیر چیمہ اور چوہدری شجاعت کے بیٹے سالک حسین نے آصف زرداری سے ملاقات کی ہے۔
ذرائع کا بتانا ہے کہ طارق بشیر چیمہ نے آصف زرداری کو چوہدری شجاعت اور پرویز الہٰی کا پیغام بھی پہنچایا۔
ذرائع نے بتایا ہے کہ طارق بشیر چیمہ اور سالک حسین نے پنجاب میں پرویز الہٰی کی حمایت کی درخواست آصف زرداری سے کی ہے۔
ذرائع کے مطابق ق لیگی رہنماؤں کی بات پر آصف زرداری مسکرائےاور کوئی جواب نہیں دیا۔
ق لیگی رہنماؤں نے پیپلز پارٹی کے ارکانِ پنجاب اسمبلی سے بھی انفرادی رابطے کیے ہیں جن میں ارکان نے فیصلے کو آصف زرداری کی منظوری سے مشروط کر دیا ہے۔
