لاہور (آن لائن) جمعیت علماء اسلام کے سیکرٹری جنرل مولانا عبدالغفور حیدری نے کہا ہے کہ قبلہ اول کی آزادی کیلیے عالم اسلام کو جرات مندانہ فیصلہ کردینا چاہیے، تاکہ فلسطینی مسلمانوں پر مظالم کا سلسلہ ہمیشہ کیلیے بند ہوجائے۔ مولانا حیدری نے کہا کہ اسرائیلی درندوں نے رمضان المبارک کی بابرکت سعادتوں میں فلسطینی مسلمانوں پر جو مظالم ڈھائے اس سے دنیا کے مسلمانوں کے جذبات مجروح ہوئے ہیں، اس سانحے کی جتنی مذمت کی جائے وہ کم ہے۔ انہوں نے کہا کہ مسلمان کسی صورت میں مسجد اقصیٰ کی بے حرمتی اور فلسطینی مسلمانوں پر اسرائیلی مظالم کو برداشت نہیں کرسکتے۔
