لندن (انٹرنیشنل ڈیسک) جنوبی لندن کے علاقے ساؤتھ وارک میں چاقو حملے میں خاتون سمیت 4 افراد ہلاک ہو گئے۔پولیس کا کہنا ہے کہ ڈیلافورڈ روڈ پر پولیس کو ایک گھر میں چاقو کے وار سے زخمی 4 افراد ملے۔ انہیں فوری طور پر اسپتال منتقل کیا گیا،تاہم تمام کوششوں کے باوجود وہ دم توڑگئے۔ پولیس کے مطابق ساؤتھ وارک میں چاقو حملے کے الزام میں ایک شخص گرفتار کر لیا گیا ہے۔پولیس کا کہنا ہے کہ گرفتار شخص کو جنوبی لندن پولیس اسٹیشن منتقل کر 4 افراد کے قتل کے واقعے کی تحقیقات شروع کر دی گئی ہیں۔ یاد رہے کہ اس سے قبل بھی لندن میں ایک مسجد میں دوران نماز چاقو سے حملہ کیا گیا تھا۔
