یوکرین کے صدر ولادی میر زلنسکی کو انڈونیشیا میں متوقع جی۔20 سربراہی اجلاس میں مدعو کیا گیا ہے۔
زلنسکی نے ٹویٹر سے جاری کردہ بیان میں اینڈونیشیا کے صدر جوکو ویدودو کے ساتھ ٹیلی فونک ملاقات کا ذکر کیا اور کہا ہے کہ سب سے پہلے میں نے اقوام متحدہ کے دو ٹوک موقف اور یوکرین کی خودمختاری اور زمینی سالمیت کے ساتھ تعاون پر صدر ویدودو کا شکریہ ادا کیا۔ ہم نے غذائی تحفظ پر بات چیت کی اور میں نے جی۔20 سربراہی اجلاس میں مدعو کئے جانے پر بھی شکریہ ادا کیا۔
واضح رہے کہ دنیا کی سب سے بڑی 20 اقتصادیات پر مشتمل گروپ جی۔20 کا اجلاس ماہِ نومبر میں انڈونیشیا کے جزیرے بالی میں منعقد ہو گا۔
