پاکستان تحریک انصاف کی رہنما اور سابق وفاقی وزیر شیریں مزاری نے چیف الیکشن کمشنر سکندر سلطان راجہ کے نام سوشل میڈیا پر ایک پیغام جاری کیا ہے۔
شیریں مزاری نے سوشل میڈیا پر جاری بیان میں یہ بالکل بھی مناسب نہیں ہے کہ آپ زیادہ دیر تک اس عہدے پر بیٹھے رہیں، آپ کچھ اچھا کرنے کے لیے بہت عرصے تک یہاں بیٹھے رہے لیکن شاید ہی کچھ اچھا کیا۔
پاکستان تحریک انصاف کی مرکزی رہنما نے چیف الیکشن کمشنر کو اللہ کا واسطہ دیتے ہوئے جانے کا مشورہ دیا اور کہا کہ ہمارا چیف الیکشن کمشنر سب سے زیادہ تعصب رکھنے والا شخص ہے جسے چلے جانا چاہیے۔
Message for CEC:”It is not fit that you should sit here any longer. You have sat here too long for any good you have been doing lately … In the name of God GO!” – originally Cromwell! We have most biased CEC who needs to go. #الیکشن_کراو_پاکستان_بچاو
— Shireen Mazari (@ShireenMazari1) April 30, 2022
اس کے علاوہ شیریں مزاری نے اپنی ٹوئٹ میں امپورٹڈ حکومت نا منظور کا ہیش ٹیگ بھی استعمال کیا۔
یاد رہے کہ چند روز قبل چیئرمین تحریک انصاف عمران خان نے بھی لاہور میں ورکرز کنوینشن سے خطاب کرتے ہوئے چیف الیکشن کمشنر کو ن لیگ کا ایجنٹ قرار دیتے ہوئے کہا تھا کہ موجود چیف الیکشن سارے فیصلے ہمارے خلاف کرتا ہے۔
