کراچی:سابق وفاقی وزیر پیٹرولیم اور پاکستان پیپلز پارٹی کے رہنما ڈاکٹر عاصم حسین نے کرنل (ر) نور، اشرف چپسی اور یاسین اکبر علی پر مشتمل آغا خان کمیونٹی کے ایک وفد سے ملاقات کی۔ اس موقع پر ڈپٹی کمشنر ڈسٹرکٹ سینٹرل طحہٰ سلیم بھی موجود تھے۔
وفد نے ڈاکٹر عاصم کو سندھ بھر میں اپنی کمیونٹی کو درپیش مسائل اور ان کی جانب سے کیے جانے والے فلاحی کاموں سے آگاہ کیا۔ ڈاکٹر عاصم حسین نے انہیں اپنے مکمل تعاون اور سرپرستی کا یقین دلایا۔ ملاقات میں وفد نے ڈاکٹر عاصم حسین کو اپنے جماعت خانہ میں آنے کی دعوت بھی دی۔
