لاہور ہائی کورٹ نے لانگ مارچ کے تناظر میں پنجاب بھر میں نظر بند تمام افراد کو رہا کرنے کا حکم دے دیا ہے۔
چیف جسٹس لاہور ہائی کورٹ نے پی ٹی آئی لانگ مارچ کے دوران گرفتاریوں اور نظربندیوں کے خلاف درخواستوں کی سماعت کی۔ سی سی پی او لاہورعدالت کے روبرو پیش ہوئے۔ پنجاب حکومت کے وکیل نے عدالت کو آگاہ کیا کہ احتجاج کے دوران حراست میں لیے جانے والے تمام افراد کو رہا کیا جا چکا ہے۔ انہوں نے یقین دلایا کہ عدالتی احکامات کے مطابق نظر بند افراد کو بھی فوری طور پر چھوڑ دیا جائے گا۔عدالت نے صوبے کے تمام اضلاع کے ڈپٹی کمشنرز کو نظربندی کے احکامات واپس لینے کی ہدایت کرتے ہوئے درخواستیں نمٹا دیں۔
