لندن(جسارت نیوز) ٹی ٹوئنٹی بلاسٹ سے قبل شائقین کے سروے کے بعد پاکستان کے کپتان بابر اعظم کو سمرسیٹ کا اب تک کا بہترین ٹی ٹوئنٹی کھلاڑی قرار دیا گیا ہے۔ ٹاپ رینکنگ بلے بازنے ٹورنامنٹ کے 2020 ایڈیشن میں سمرسیٹ کی جرسی پہنی اور7 اننگز میں 218 رنز بنائے، جس کی اوسط 36.33 تھی۔سمرسیٹ کے ساتھ ان کے کیریئر کی بہترین اننگز 62 گیندوں پر 114 رنز ہیں،بابر اعظم نے سمرسیٹ کے ساتھ اپنے دور میں ٹی ٹوئنٹی کرکٹ میں 5000 رنز بنانے کا کارنامہ انجام دیا۔
