کراچی : کراچی پورٹ ٹرسٹ کی جانب سے عالمی ماحولیات اور سمندر کے عالمی دن کو اجاگر کرنے اور عوام کو آگہی دینے کے لیے ساحل سمندر پر صفائ مہم کا اآغاز سی ویو پرہوا ۔ جس میں بڑی تعداد میں بحریہ یونیورسٹی اور کے پی ٹی اسکولز کے طلباء و طالبات اور کے پی ٹی کے جینیٹوریل اسٹاف نے حصہ لیا،
کے پی ٹی چیرمین سیدین زیدی نے اس موقع پر صدارت کرتے ہوئے اس امر پر زور دیا کہ ہمیں بچوں کو صفائ مہم سے متعلق آگہی فراہم کرنی چاہیے، کیوں کہ یہ ہمارا مستقبل ہیں۔ انہوں نے کہا کہ ہمیں مل کر ماحول کو صاف اور سرسبز بنانا ہے یہاں تک کہ ہمیں سمندری ساحلوں کا بھی خیال یکجا ہو کر کرنا ہوگا۔
اس موقع پرچیرمین کے پی ٹی کے ساتھ جاوید اقبال، ایس او کے پی ٹی وزارت بحری امور، ایم اصغر گوندل، ڈپٹی سیکریٹری ایڈمن اور پورٹ افضا ڈار، آفیسر تعلقات عامہ وزارت بحری امور نے بھی ساحل سمندر کی صفائ مہم میں حصہ لیا۔
