ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

حکومتی وفد کی مسجد نبوی آمد پر شوروغوغا کرنیوالے پی ٹی آئی سپورٹر کو سعودی عرب میں سزا

0 تبصرے 259 مناظر

وزیراعظم شہباز شریف کے اپنے وفد کے ہمراہ مسجد نبوی میں آمد کے موقع پر شور وغوغا کرنے والے پاکستانی شہری کو سعودی عرب کی عدالت نے جیل بھیجنے کا حکم دیدیا ہے۔

یہ خبر دیتے ہوئے صحافی سلیم صافی نے اپنی ٹویٹ میں بتایا ہے کہ وزیراعظم میاں شہباز شریف کے مسجد نبوی صلی اللہ علیہ وسلم میں حاضری کے موقع پرشور وغوغا کی ویڈیو بنا کر وائرل کرنے والے پاکستانی اور پی ٹی آئی کے سپورٹر پاکستانی محمد طاہر کو سعودی عرب کی تین ججز پر مشتمل عدالت کی طرف سے تین سال قید اور دس ہزار ریال کی سزا سنا دی گئی ہے۔

یہ بھی پڑھیں: مسجدِ نبوی میں پاکستانی وزرا کیساتھ بدتمیزی، 5 پاکستانی گرفتار، ایک سال قید، 5 لاکھ ریال جرمانے کا امکان

خیال رہے کہ مسجد نبوی میں پاکستانی وزرا کیساتھ بدتمیزی کرنے والے 5 پاکستانیوں کو سعودی حکام نے گرفتار کر لیا تھا۔ مدینہ پولیس کے ترجمان کی جانب سے جاری بیان میں کہا گیا تھا کہ ان پاکستانی افراد کو حراست میں لے کر قانونی کارروائی مکمل کر لی گئی ہے اور معاملہ مجاز حکام کو بھیج دیا گیا ہے۔

وزیرِ اطلاعات مریم اورنگزیب اور وزیرِ نارکوٹکس شاہ زین بگٹی کو مسجد نبوی کے صحن میں موجود پاکستانیوں کی جانب سے بدسلوکی کا سامنا کرنا پڑا تھا۔ ان افراد نے پاکستانی وزرا اور ان کے ساتھیوں کو گھیرے میں لے کر نعرہ بازی کی تھی اور جہاں مریم اورنگزیب کے لئے نازیبا زبان استعمال کی تھی، وہیں شاہ زین بگٹی کے بال بھی کھینچے گئے تھے اور انھیں دھکے دیے گئے تھے۔

سعودی سفارتحانے نے بھی ان اطلاعات کی تصدیق کی تھی کہ مدینہ منورہ میں نعرے بازی کرنے والے چند پاکستانیوں کو گرفتار کر لیا گیا ہے۔ پاکستان نے بھی مسجدِ نبوی میں پیش آنے والے واقعے میں ملوث افراد کے خلاف کارروائی کا مطالبہ کیا تھا۔

وزیر داخلہ رانا ثنا اللہ نے ٹویٹر پر اپنے پیغام میں کہا تھا کہ ’پاکستان سعودی وزارت خارجہ سے درخواست کرے گا کہ وہ مدینہ منورہ میں ہونے والے واقعے پر کارروائی کرے۔ شناخت کرکے ان کو ملک بدر کیا جائے۔ سعودی حکام سے درخواست کریں گے کہ ملوث افراد کی سی سی ٹی وی فوٹیج ہمیں بھجوائی جائیں تا کہ ان کی شناخت کی جائے اور ان کے خلاف مقدمہ درج کیا جائے۔’

یاد رہے کہ پاکستان کے وزیراعظم شہباز شریف 13 رکنی وفد کے ہمراہ تین روزہ سرکاری دورے پر مدینہ پہنچے تھے۔ وزیراعظم کے دورے سے قبل سابق وزیر داخلہ شیخ رشید نے ایک پریس کانفرنس میں کہا تھا کہ ’مکہ مدینہ والے لوگ دیکھیں ان کے ساتھ کل کیا کریں گے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

مزید پڑھیں

پمز اسپتال میں انتظامی عہدوں پر نئی تقرریوں کے احکامات جاری
حکومت کی مؤثر معاشی حکمتِ عملی، قرضوں کی قبل از وقت ادائیگی میں تاریخی کامیابی
راولپنڈی؛ تھانے میں شہری کے چہرے پر جوتا مارنے کی ویڈیو وائرل، اہلکار معطل
لیاقت باغ میں جلسے کی اجازت نہ ملی تو راولپنڈی، اسلام آباد میں دھرنے دیں گے، حافظ نعیم
جبری گمشدگیوں کا عالمی دن، کشمیری مائیں آج بھی اپنے پیاروں کی منتظر
نواز شریف، شہباز شریف اور مریم نواز سے آزاد کشمیر کے وزیراعظم اور اسپیکر کی ملاقات
بلوچستان میں ٹرین سروس ایک بار پھر معطل
Load/Hide Comments

اپنا تبصرہ بھیجیں