خیبرپختونخوا حکومت نے عوام کو سستے آٹے کی مد میں 35ارب روپے مختص کردیئے ، جس سے خیبرپختونخوا کے عوام کو سارا سال سستا آٹا ملے گا تفصیلات کے مطابق صوبہ خیبرپختونخوا کے وزیر اعلیٰ محمود خان نے عوام کو سستا آٹا فراہم کرنے کیلئے بجٹ میں 35ارب روپے کی سبسڈی کی منظوری دی ہے ۔
جس کا مقصد صوبے کے عوام کو سستا آٹے کی فراہمی ہے ، ترجمان خیبرپختونخوا حکومت کے مطابق صوبے میں وافر مقدار میں گندم پیدا ہوئی ہے ، گزشتہ سال 20کلو آٹے کی قیمت 1150روپے تھا۔ اب سبسڈی کی مد میں رقم مختص ہونے کے بعد 20کلو کا آٹا 900روپے میں دستیاب ہے ، اور یہ آٹا سارا سال صوبے کے عوام کو دستیاب ہوگا ۔
