سڈنی/ٹوکیو : جاپان اور آسٹریلیا میں شدید موسمی حالات کی وجہ سے بجلی بحران پیدا ہونے کا خدشہ بڑھ گیا۔
دونوں ممالک کی حکومتوں نے عوام سے اپیل کی ہے کہ وہ بجلی کا غیر ضروری استعمال ترک کر دیں۔
جاپان میں سہ پہر کو تین گھنٹے جبکہ آسٹریلیا میں شام چھ سے رات آٹھ بجے تک بجلی کے کم سے کم استعمال پر زور دیا گیا ہے۔
توانائی بحران میں اضافہ شدید موسمی حالات کی وجہ سے ہے، ماہرین نے خدشہ ظاہرکیا ہے کہ اگربروقت اقدامات نہ کیے گئے تو صورتحال مزید خراب ہوسکتی ہے۔
