اٹک: گھریلو اختلافات کی بنا پر باپ نے اپنے ہی بیٹے کو فائرنگ کرکے موت کے گھاٹ اُتار دیا۔
تفصیلات کے مطابق فتح جنگ کے رائے نیکا نامی علاقے میں باپ نے اپنے بیٹے پر فائرنگ کردی۔ پولیس کا کہنا ہے کہ مقتول کچھ عرصہ قبل ہی بیرون ملک سے پاکستان واپس لوٹا تھا۔
مقتول حیدر علی پر اس کے والد رئیس نے گھریلو جھگڑے پر بارہ بور کی بندوق سے فائرنگ کی۔ واقعے کے بعد نوجوان کی لاش پوسٹ مارٹم کے لیے تحصیل ہیڈ کوارٹرز اسپتال منتقل کی گئی۔ پولیس کے مطابق ملزم رئیس اپنے بیٹے کو قتل کرنے کے بعد فرار ہونے میں کامیاب ہوگیا۔
