جنوبی ایران میں 6.1شدت کے زلزلے میں کم از کم پانچ افراد ہلاک اور ایک درجن سے زائد زخمی ہو گئے۔
خبر رساں ایجنسی اے ایف پی کے مطابق اس زلزلے کے بعد ملک میں 6.3 شدت کے مزید دو زلزلے بھی آئے۔
ایران کے سرکاری ٹی وی کے مطابق صوبہ ہرمزگان میں ایمرجنسی مینجمنٹ کے سربراہ مہرداد حسین زادہ نے بتایا کہ زلزلے میں پانچ افراد مارے گئے جبکہ اب تک 12 سے زائد زخمیوں کو ہسپتال میں داخل کرایا جا چکا ہے، ریسکیو کا کام جاری ہے اور ہم ایمرجنسی بنیادوں پر رہائش کے لیے ٹینٹ فراہم کررہے ہیں۔
سرکاری نیوز ایجنسی ارنا کے مطابق 6.3 اور 6.1 شدت کے زلزلوں سے قبل ایک 6.1 شدت کا ایک اور زلزلہ بھی آیا تھا جس سے ایرانی گاؤں سائے خوش بری طرح متاثر ہوا اور کئی مکان زمین بوس ہو گئے، اس کے بعد ایک درجن سے زائد آفٹر شاکس بھی آئے۔
Earthquake strikes Dubai and various parts of UAE
— MIRCHI9 (@Mirchi9) July 1, 2022
بندر لینگے کے گورنر فواد مراد زادہ نے کہا کہ تمام افراد پہلے زلزلے میں ہی ہلاک ہوئے اور بعد میں آنے والے دو زلزلوں میں کوئی جانی نقصان نہیں ہوا کیونکہ لوگ پہلے ہی خوف کے مارے اپنے گھروں میں آ گئے تھے۔
ادھر خلیج ٹائمز کے مطابق متحدہ عرب امارات میں بھی زلزلے کے جھٹکے محسوس کیے گئے۔
ایران کی اہم جغرافیائی فالٹ لائنز پر گزرے سالوں کے دوران کئی تباہ کن زلزلے آئے ہیں اور 2003 میں صوبہ کرمان میں 6.6 شدت کے زلزلے کے نتیجے میں 31ہزار سے زائد افراد ہلاک اور شہر بام صفحہ ہستی سے مٹ گیا تھا۔
متحدہ عرب امارات میں بھی زلزلے کے جھٹکے
متحدہ عرب امارات کے رہائشیوں نے جمعہ اور ہفتے کی درمیانی شب دو مرتبہ زلزلے کے جھٹکے محسوس کیے گئے اور خوف کے عالم میں شہری زڑکوں پر نکل آئے۔
کچھ شہریوں نے یہ دعویٰ تک کیا کہ وہ زلزلے کے جھٹکوں کی وجہ سے نیند سے جاگ گئے جبکہ کچھ نے فرنیچر اور دیگر سامان ہلنے تک کا دعویٰ کیا۔
یہ جھٹکے دبئی سے شارجہ اور ابوظہبی سے راس الخیمہ تک ایک بڑے علاقے میں محسوس کیے گئے جہاں کچھ ٹوئٹر صارفین کے مطابق یہ جھٹکے پانچ منٹ تک محسوس کیے جاتے رہے۔
Just experienced the mother of all earthquakes and it was one of the longest ones in my 20 years of living in UAE and a really strong one here in Dubai…. #Dubai #earthquake #uae praying for everyone’s safety. May Allah have mercy. pic.twitter.com/iCELmDggIZ
— Fakhr-e-Alam (@falamb3) July 1, 2022
