یوکرین کے صدر ولادی میر زلنسکی نے کہا ہے کہ اتحادیوں سے حاصل کئے گئے اسلحے نے بھر پور صلاحیت کے ساتھ کام شروع کر دیا ہے ۔
صدر زلنسکی نے قوم سے خطاب میں کہا ہے کہ ” اتحادیوں سے حاصل کئے گئے اسلحے نے بھرپور صلاحیت سے کام شروع کر دیا ہے۔ ہماری یونٹیں قابضوں کے لاجسٹک مراکز ، ڈپووں اور دیگر اہم مقامات پر قابل ذِکر حملے کر رہی ہیں۔ یہ حملے روسی فوجی کی جارحانہ صلاحیت کو اہم پیمانے پر کمزور کر رہے ہیں۔ اب قابضوں کے جانی نقصان میں ہر ہفتے اضافہ ہو گا”۔
انہوں نے ‘ہرسن’ اور ‘زاپوریزہزیا ‘سمیت متعدد سمتوں میں یوکرینی فوج کی پیش قدمی کا ذکر کیا اور کہا ہے کہ ہم اپنی زمین سے دستبردار نہیں ہو سکتے۔ انسانوں کو یہ بات سمجھ لینی چاہیے کہ یوکرین کا تمام خود مختار علاقہ، یوکرین کی حیثیت سے برقرار رہے گا۔
صدر زلنسکی نے کہا ہے کہ "ہم پورے جنوبی حصے اور یوکرین کے پورے دونباس کے لئے جنگ لڑ رہے ہیں۔ قابض نہ تو یہ سمجھیں کہ ان کا اس علاقے میں قیام طویل عرصے تک برقرار رہے گا اور نہ ہی اس خوش فہمی میں رہیں کہ انہیں ہم پر توپ کی برتری حاصل ہے”۔
انہوں نے یوکرین مسلح افواج کے سربراہ سے ا ور خفیہ ایجنسی سے بریفنگ لینے کا ذکر کیا اور کہا ہے کہ "ہم نے باہم مل کر زمانہ قریب کے ایڈونچر کا تعین کیا ہے”۔
