روسی صدر ولا دیمر پوتن نے یوکیرین میں مقیم افراد کو روسی شہریت دینے کے عمل کو سہل بنانے والی ایک قرار داد کی منظوری دے دی۔
روسی ریاستی قانون انفارمیشن سسٹم میں شائع ہونے والے فیصلے کے مطابق، ولادیمیر پوتن نے اس حکم نامے کے دائرے کو وسعت دی ہے جو روسی شہریت دینے میں سہولت فراہم کرتا ہے۔
مذکورہ حکم نامے کے ساتھ نام نہاد دونستک اور لوہانسک ریپبلک کے باشندوں سمیت یوکرین کے تمام علاقوں کے مستقل رہائشیوں کو روسی شہریت کے حصول کے لیے آسان درخواست دینے کا حق حاصل ہو گیا ہے۔
یاد رہے کہ سال 2019 میں طے پانے والی ایک قرار داد کی رو سے یوکیرین کے دونستک اور لوہانسک علاقوں میں مقیم شہریو ں کو روسی شہریت دینے کے عمل کو سہل بنایا گیا تھا، جبکہ 25 مئی کو یوکیرین کے حرسون اور زاپوریا کے مکینوں کو بھی اسی دائرے میں شامل کر دیا گیا تھا۔
