لاہور: پاکستان تحریک انصاف (پی ٹی آئی) اور مسلم لیگ ق کے اراکین نے وزیراعلیٰ پنجاب کیلیے 186 ارکان پورے ہونے کا دعویٰ کردیا۔
تفصیلات کے مطابق تحریک انصاف کے رہنما احسن بریار اور فواد چوہدری نے دعویٰ کیا کہ پاکستان تحریک انصاف اور مسلم لیگ ق نے 186 ارکان پورے کرلیے ہیں۔
احسن بریار نے کہا کہ تحریک انصاف اور مسلم لیگ ق وزیراعلیٰ پنجاب کے انتخاب میں مسلم لیگ ن اور اتحادیوں کو بڑا سرپرائز دے گی، جمعہ کو ہونے والے اجلاس میں مسلم لیگ ن کے کئی اراکین غیر حاضر ہوں گے۔
چئیرمین عمران خان کا اراکین پنجاب اسمبلی سے خطاب- #فیصلہ_صرف_عوام_کا pic.twitter.com/IPAgySRVg8
— PTI (@PTIofficial) July 21, 2022
انہوں نے کہا کہ ہمارے نمبر پورے ہیں جبکہ مسلم لیگ ن کو اپنی فکر کرنی چاہیے کیونکہ لیگی اراکین اپنی پارٹی قیادت اور پالیسیوں سے شدید نالاں ہیں۔ پی ٹی آئی چیئرمین نے ہوٹل پہنچ کر اراکین اسمبلی سے ملاقات کی اور اُن کی حوصلہ افزائی کی۔ اُدھر مسلم لیگ ق کے رکن قومی اسمبلی مونس الہیٰ نے دعویٰ کیا ہے کہ ہمارے اراکین کی تعداد مطلوبہ نمبر سے زیاد ہ ہے۔
By the grace of Almighty 186 members of punjab assembly are present at PC Hotel at this moment. Hamza gone! ککڑی ذبح دے۔ #CMPunjabElection pic.twitter.com/rbYt0buFbi
— Umer Tanveer (@umertanveerPTI) July 21, 2022
واضح رہے کہ وزیراعلیٰ پنجاب کے انتخاب کے لیے 22 جولائی کو انتخاب ہونا ہے، جس کے لیے مسلم لیگ ن اور اتحادی جماعتوں نے اپنے اراکین کو ہوٹل میں قیام کروایا ہے جبکہ پی ٹی آئی اور ق لیگ نے بھی اپنے اراکین کو ائیرپورٹ کے قریب واقع ہوٹل میں ٹھہرایا ہے۔
