شمالی وزیر ستان: سیکیورٹی فورسز نے جنوبی وزیرستان میں 2 آپریشن کے دوران دہشت گرد کمانڈر سمیت 4 ساتھیوں کو گرفتار اور 3 دہشت گردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق پہلے آپریشن میں انتہائی خطرناک و مطلوب دہشت گرد کمانڈر3 ساتھیوں سمیت گرفتارکیا گیا جبکہ دوسرے آپریشن میں3 دہشت گردوں کو ہلاک کر دیا گیا۔
آئی ایس پی آر نے بتایا کہ آپریشن کے دوران دہشت گردوں کے قبضے سے بھاری اسلحہ،گولہ بارود اور اہم دستاویزات بھی برآمد کر لی گئیں، گرفتار اور ہلاک شدہ تمام دہشت گردوں کا تعلق حافظ گل بھادر گروپ سے تھا۔
علاوہ ازیں دہشت گرد سیکورٹی فورسز پر حملوں اوراغوا برائے تاوان کی وارداتوں میں ملوث تھے۔
