پاکستان تحریک انصاف نے چیف الیکشن کمشنر کے خلاف ریفرنس دائر کردیا ہے. چیف
الیکشن کمیشن کی جانب سے فارن فنڈنگ کیس کا تحریک انصاف کے خلاف فیصلہ آنے
پر ریفرنس دائر کرنے کا کہا گیا تھا.
ڈاکٹر بابر اعوان کی طرف سے چیف الیکشن کمشنر کے خلاف سپریم جوڈیشل کونسل میں
دائر کیے گئے ریفرنس میں مؤقف اختیار کیا گیا ہے کہ چیف الیکشن کمشنر جان بوجھ کر
بدانتظامی کر رہے ہیں اور آئینی ذمہ داریاں احسن طریقے سے ادا نہیں کر رہے۔
چیف الیکشن کمشنر سکندر سلطان راجہ کو عہدے سے ہٹایا جائے. گزشتہ ماہ پی ڈی ایم وفد
نے چیف الیکشن کمشنر سے ملاقات کی تھی جس میں چیف الیکشن کمیشن پر ممنوعہ فنڈنگ
کا فیصلہ جلد سنانے کے لیے دباؤ ڈالا گیا۔
ملاقات کے چند روز کے بعد ہی ممنوعہ فنڈنگ کا فیصلہ سنا دیا گیا۔
