حیدر آباد میں سیلاب متاثرین کے لیے قائم ریلیف کیمپ اس وقت خوشیوں میں تبدیل ہوگیا جب کیمپ میں شادی کی شہنائیاں گونج اٹھیں۔
ملک کی تاریخ کے بدترین سیلاب میں اپنا سب کچھ گنوانے والے سیلاب متاثرین نے بے گھر ہونے کے باوجود امید کا دامن ہاتھ سے نہیں چھوڑا۔حیدرآباد میں سیلاب زدگان کے لئے لگائے گئے امدادی کیمپ میں ہونے والی شادی کی ویڈیو سوشل میڈیا پر وائرل ہوگئی۔
ٻوڏ متاثر جوڙن جي شادي
قاسم آباد ۾ ٻوڏ متاثر ٻن جوڙن جي شادي ڪرائي وئي. خيرپور ناٿن شاهه واسي سجاول ۽ عامر پنهور گهوٽ بڻيا، سِنڌُو ۽ صبا پنهور ڪنوار بڻجي لائون لڌيون. جوڙن جي شادي اڳ ۾ رٿيل هئي پر ٻوڏ ۾ شهر ٻڏڻ سبب سندن شادي نه ٿي سگهي هئي. pic.twitter.com/bW0wSC81oU
— Asghar Narejo (@AsgharNarejoo) September 9, 2022
خیرپور سے آنے والے دو متاثرہ جوڑے حیدر آباد کے علاقے قاسم آباد کے گورنمنٹ گرلز کالج کے ریلیف کیمپ میں شادی کے بندھن میں بندھ گئے، ریلیف کیمپ میں شادی کا اسٹیج بھی سجا اور رسمیں بھی ہوئیں۔
سیلاب متاثرین کا تعلق پہنور برادری سے ہے اور نوجوان جوڑوں کی شادی پہلے سے طے تھی۔ ریلیف کیمپ میں شادی کے بندھن میں بندھنے والے جوڑوں نے توقع ظاہر کی کہ وہ جلد اپنے گھروں کو لوٹ سکیں گے اور اپنی نئی زندگی کا آغاز کرسکیں گے۔
