اسلام آباد:وزیرِ اعظم شہباز شریف نے کہا ہے کہ مفتاح اسماعیل کی بطوروزیرخزانہ عوامی خدمات کو سراہتاہوں ۔
سماجی رابطے کی سائٹ ٹوئٹر پر جاری اپنے پیغام میں وزیرِ اعظم شہباز شریف نے کہا کہ میں ڈاکٹر مفتاح اسماعیل کی بطور وزیر خزانہ عوامی خدمات کو سراہنا چاہتا ہوں۔
انہوں نے کہا کہ مفتاح اسماعیل نے شدید معاشی بحران میں مشکل ترین کام کیا، انہوں نے پاکستان کو ڈیفالٹ سے بچانے کی کوشش کی۔
وزیرِ اعظم شہباز شریف نے کہا کہ مفتاح اسماعیل نے آئی ایم ایف پروگرام کے ساتھ کامیابی سے بات چیت کی۔
