اسلام آباد: وفاقی حکومت نے چیئرمین تحریک انصاف عمران خان کیخلاف توہین عدالت کی درخواست سپریم کورٹ میں دائرکر دی۔
جمعرات کو عمران خان کے خلاف درخواست وفاقی حکومت کی جانب سے وزارت داخلہ نے دائر کی جس میں استدعا کی گئی کہ 25 مئی کے عدالتی حکم کی خلاف ورزی پر توہین عدالت کی کارروائی کی جائے، سپریم کورٹ کے 25 مئی کے احکامات کی کھلی خلاف ورزی کی گئی تھی، عمران خان نے ایچ نائن گرائونڈ جانے کے بجائے ورکرز کو ڈی چوک کال دی۔
درخواست میں موقف اپنایا گیا کہ پی ٹی آئی ورکرز نے ریڈ زون میں سرکاری و نجی املاک کو نقصان پہنچایا، پولیس اور خفیہ ایجنسیوں کی رپورٹس سے واضح ہے کہ عدالتی احکامات کی توہین کی گئی.
درخواست میں استدعا کی گئی ہے کہ سپریم کورٹ عمران خان کو احتجاج اور دھرنے کے حوالے اپنے احکامات پر عمل درآمد یقینی بنائے۔
